NEW YORK: Un grupo di 500 pareha a bisa “Yes, I do” den un evento masivo na New York, y esaki den aire libre bao di cielo blauw.
Un matrimonio masivo cu meta pa cura tur herida cu pandemia di Covid-19 a laga atras.
Cu slinger riba nan cabez, e parehanan, di cual hopi di nan ya ta casa, a cana den procesion durante un ceremonia simbolico na encargo di un Pastoor, un Rabino, y un Iman den Damrosch Park. Algun di e parehanan tabatin nan wowo yen di lagrima.
“Nos tabatin plan original pa casa dia 24 di Maart 2020 na Hawaii, pero e yegada di Pandemia a cancela tur cos,” Erica Hackman a bisa, kende tabata wanta na su braza pa su casa Richard, mey-mey di e ambiente festivo den e parke.
E pareha cu awor ta sperando un yiu, a casa na 2021 riba dak di un edificio cu solamente famia cercano presente. “Tur hende tabatin tapaboca bisti,” Erica di 35 aña a corda enfaticamente.
“E tabata un bruid hopi chikito... pues awor na Juli e ta sinti bek como algo importante pa bin y celebra cu otro personanan cu a pasa door di e mesun situacion,” su casa Richard di 37 aña a declara.
Azota fuerte door di e Pandemia, new York a paraliza na 2020. Por a mira e tempo ey imagennan di Times Square bashi y hasta a traha espacio extra pa funerarianan por pone defuntonan aden, y esey a bira emblema di e crisis di salud.
E evento di Diadomingo a wordo organiza pa Lincoln Center, cu ta e famoso compleho di arte na Upper West Side di Manhattan, y e evento a wordo presenta como un celebracion pa e parehanan di cual nan boda a wordo interumpi. Pero tur hende tabata bon bini.
Algun di nan, manera Esther Friesner Stutzman y su casa Walter Stutzman, ta casa pa hopi decada caba. E muher a bisa cu su casa a priminti’e un viahe pa Paris, si nan acudi na e evento di matrimonio masivo aki.
Tambe tabatey Lloyd-Kline, un muher di 56 aña kende a casa cu su esposa Anisa na 2008 na Toronto, Canada, tabata feliz “di tabatin un dia unda a djis celebra amor”. Nan ta un pareha di mesun sexo y a pasa un dia feliz.
Bruid cancela na Aruba: Tambe a papia cu Anne-Marie Colon di 59 aña, kende tabata cana rond den e Parke mey-mey di e parehanan, cu un potret di su prometido Louis Steven, un docente di bario di Bronx kende a fayece debi na Coronavirus na April 2020.
“Net e siman cu el a fayece, nos plan original tabata pa ta na Aruba pa nos casamento.”
Pesey como cu esey nunca a socede, y su amor a fayece, el a dicidi pa acudi Diadomingo na e celebracion bunita aki pa bida, y pensa riba e bida cu mi tabatin cune pa 11 aña largo,” Anne-Marie a bisa na un forma hopi emociona.
