Comision Nacional Derecho di Mucha ta sigui concientiza hobennan

ORANJESTAD (AAN): Recientemente durante e camp di Parlamento Hubenil,

tabatin un momento perfecto pa Comision Derecho di Mucha a facilita un workshop interactivo tocante e Derecho di Mucha y Hoben.

   Durante e sesion, e hobennan a siña kico ta e derecho di mucha (edad te cu 17 aña), cua ta algun problema cu ta viola e drecho cu por tuma lugar, loke ta causa nan y e consecuencianan cu esaki por tin.

Pa sera e actividad, e participante nan a traha den grupo unda cu nan a crea un “mata di problema”, identificando e causanan y efecto nan.

   Despues, nan a transforma esaki den un “mata di solucion”, proponiendo accionnan concreto pa proteha y promove e derecho di mucha.

   Hunto ta bay forma un generacion cu ta conoce, respeta y defende e derecho di cada mucha y hoben.