Jeremio Maduro ta splica:
*Despues por mir'e via telescopio so
ORANJESTAD (AAN) – Jeremio Maduro, den un entrevista cu DIARIO, a duna di conoce cu tin un cometa cu ta pasando aworaki mes patras di e solo. E yama “Cometa A-3”.
El a splica cu desde awe, dia 15 di October padilanti, e lo bira visible aki na Aruba, den oranan di atardi. Manera cu solo baha lo wordo mira den e direccion ey cu solo ta baha. Te cu rond di dia 20 pa 22 di e luna aki lo ta visible ainda, y despues e lo bira mas leu cu casi lo no por mir’e mas.
Maduro a bisa cu, eigenlijk, e ta un bala di ijs cu un rabo di stof, y e bunita di dje ta cu ora e bin bek atardi, pasobra e tabata visible caba parti mainta, pero door di nubia tabata imposible pa mire, lo mira dos liña, eigenlijk dos rabo, uno blou y uno blanco.
El a splica cu e rabo blou ta e plasma di e solo (solo ta causa esaki), y e rabo blanco ta e parti di stof cu ta bay keda den aire. El a bisa cu loke ta bay mira ta hopi mas grandi cu loke nos por mira normalmente cu avion. “Awe, dia 15, 16 y 17 bo por wak e cu bo wowo, anto despues di esey bo tin mester di un telescopio, pa wak’e miho”, Jeremio Maduro a indica.
E miho areanan pa wak e ta banda di beachnan, y riba seroe, unda cu por tin un bon bista riba horizonte, unda solo ta bahando.
{gallery}Cometa A-3 por wordo mira cla awe, diaranson y diahuebs na Aruba na momento di bahada di solo{/gallery}
