Frans Ponson;
*Lo por a scapa pueblo 30 miyon florin
ORANJESTAD (AAN): Comerciantenan Uni Aruba un biaha mas ta trece dilanti algun preocupacion. Frans Ponson, di CUA a duna di conoce cu tocante e tema di e 'Rijkswet' cu nan a caba di wak un presentacion tocante di e debe cu Hulanda, pero al a bisa cu djis mester corda pueblo un cos.
"Nos a cab'i papia cu si nos negocia cu Hulanda awo'ki. Si nos yega na un areglo lo tin 10 miyon di diferencia entre yega na un areglo of no yega na un areglo awo'ki", a expresa.
Segun Ponson, CUA ta lamenta, cu si a haci esaki 1 di September lo por salba e pueblo 30 miyon florin. "Nos como comerciante si den cualkier un comercio di Aruba bo por scapa 5 miyon mes (...) nos lo make it happen pa scapa e miyonnan".
El a agrega cu mester corda pueblo cu ta nan ta bay pag'e, pasobra si kier subi'e pa e comerciante, e comerciante ta bay pas'e pa pueblo.
Ta 30 miyon florin extra cu por a scapa y esaki ta un cifra alarmante. CUA ta haya lamentabel cu no a atende cu esaki na su debido tempo, a bisa.
Frans Ponson a agrega cu den pasado, CUA a trece e preocupacion aki dilanti. Ta lamenta tambe di wak parlamentarionan y hendenan cu a comenta ora cu CUA a papia di e asunto aki.
"Ora nos ataca e comerciantenan cu tin e loonsubsidie aki nos tin cu corda si cu nos ta papiando di e comerciantenan cu a tene tur nan empleadonan na trabao. Tur cu 20, cu 30 aña di servicio, nos a mantene na nan trabao", a bisa.
Aruba a bin cu e proposicion di mantene e trahadornan ey na trabao y nan ta fia placa. Na cuminsamento nunca a wordo papia cu e placa mester a wordo paga bek. Y despues di tempo a bin cu mester di un contract cu mester a firma y awor ta tras di mayoria di e placa aki.
Ponson a indica cu kisas ta lubidando un punto grandi. Tur e comerciantenan na Aruba cu a manda e trahadornan cas, pone nan riba FASE, ken ta pagando e debe ey? E pueblo ta pagando e, a expresa.
Aworaki mayoria di e comerciantenan ey cu a manda e trahadornan bay cas, nan no tin ningun gasto. E comerciante cu no a paga belasting 10 aña, esey ta esun cu nos a duna nan 70%. E comerciante cu a manda tur hende cas a keda sin niun debe.
E comerciantenan cu a tene nan trahadornan den dienst a haci nan esfuerso, pidi e loonsubsidie y awor ta pintando nan malo, a expresa.
E ta lamenta e tipo di expresionnan aki ya cu no por generalisa y e ta sigur cu mayoria comerciante a haci nan best pa tene e trahadornan den dienst y aworaki ta wordo papia comosifuera cu tin cu bay nan tras manera masha malo nan ta.
