Colombia ta opta pa molinanan di biento den Lama

ORANJESTAD (ADV): Prensa di e pais, a mustra cu Colombia a cuminza cu e prome ronda di cera contractnan pa instala molinanan di biento den e Parkenan Marino den aña 2023.

    E proceso di bid competitivo pa contractnan di molina di biento den lama a inicia y ta spera di keda cla dentro di 18 luna. Colombia Ta buscando interesadonan pa produci 50 GW di energia procedente di biento den e area di costa nort di e pais.

  E anuncio ta concidi cu e publicacion di e normanan nobo cu ta establece procedimentonan nobo di destaho publico y di licencia pa e desaroyador di e proyecto. Segun e reglanan, e autoridad maritimo di Colombia, DIMAR, lo ta responsabel pa evalua tur e ofertanan y emiti licencianan pa e ocupacionnan temporal di e areanan den Lama Caribe.

    “Den e di dos semester di 2023 e prome ronda di e proceso competitivo lo worde completa”, asina e Ministerio di Mina y Energia a confirma den un comunicado.

   E permisonan cu a worde asigna den e prome ronda lo permiti e inversionistanan pa determina e factibilidad di e proyectonan y adelanta e permisonan ambiental necesario. E destaho lo ofrece e desaroyador e oportunidad pa duna un oferta pa e areanan selecciona di e departamentonan di costa den Caribe di departamento Bolivar y deparamento Atlantico, asina e ministerio a remarca, sin duna mas detaye.

    Ademas a informa cu e siguiente paso lo ta pa nombra un administrador pa e proceso di destaho. Mientras tanto, ta ser spera  cu e specificacionnan tecnico di e proyectonan lo ser publica pa fin di aña.

    Colombia a converti su mes den un di e mercadonan di Parke di Molinanan di biento cu mas rapido a crece den America Latina, despues di a publica un plan sectorial a largo plazo na mei. Un Roadmap di 217 pagina prepara pa e compania di London  “Renewables Consulting Group (RCG) den asociacion cu World Bank y e gobierno Britanico”, ta bisa cu Colombia tin un potencial pa produci 50 GW di energia di biento den e area Atlantico West.