Colegio San Augustin cu excursion pa su alumnonan den Parke Arikok

ORANJESTAD (AAN): Diabierna ultimo Colegio San Augustin a organisa un excursion pa su alumnonan.

E excursion aki a tuma luga den Parke Arikok, caminda cu e alumnonan a ricibi un splicacion amplio di e flora y e fauna di e Parke.

Na final e alumnonan mester a contesta un quiz basa riba tur e informacion cu nan a ricibi di e Park Rangers. Esaki ta en conexion cu e materianan Natuur & Techniek y Biologie.

Colegio San Augustin kier a manda un palabra di gradecimento na Parke Arikok y na e Park Rangers pa guia nan durante e dia aki.