Colegio EPI a celebra hunto cu 10 Hubilario

ORANJESTAD (AAN): Diabierna 14 di februari 2025 pa Colegio EPI tabata un dia mas grandi ainda cu solamente celebracion di e dia di Amor y Amistad.

Riba e bunita fecha aki nos a celebra hunto cu e 10 Hubilarionan cu a dedica asina tanto aña den nos organizacion.

  Den e Auditorium completamente yen cu famianan y coleganan di e Hubilarionan a elogia e coleganan aki pa nan amor, profesionalismo y dedicacion na nos organizacion.

Colegio EPI tabata tin e honor di ricibi riba e bunita atardi aki e bishita di Prome Minister y tambe Inspectie y Dienst Publieke Scholen.

   Tabata bunita y emotive pa scucha e varios discurso y anecdotanan pa cu e Hubilarionan y sin duda por bisa cu e atardi aki uno hopi ameno pa tur cu tabata presente.

   E Hubilarionan di Colegio EPI ta: Genevieve Milliard (Unit Economia) cu 25 aña, Dino Quandt (Unit C&T) cu 25 aña, Natasja Lede (Unit Economia) cu 25 aña, Lilian Ruiz (Unit C&T) cu 25 aña, y Ivonne Dijhoff (Unit H&T) cu 30 aña.

   Tambe Celio Quant (Unit C&T) cu 30 aña.  Sabira Maduro (Unit Economia) cu 30 aña.  Harrish Chin Sie Jen (Unit C&T) cu 35 aña.  Hyacinthia Clark (Economia) cu 40 aña.  Evelina Tromp (Unit C&T) cu 45 aña.

   Colegio EPI kier a gradici tur e Hubilarionan pa brinda nan conocemento, tempo y empeño duna na nos studiantenan, coleganan di trabao y enseñansa en general. Nos ta gradici tambe tur famia cu tabata presente pa contribui na un dia inolvidabel pa e Hubilarionan.

   Den luna di maart 2025 Señora Evelina Tromp a baha cu su merecido pensioen y di nos banda nos ta desea Evelina tur cos bon den su etapa nobo.