Colegio Arubano tabata fenomenal anfitrion pa grupo di Erasmus+

Proyecto ‘Deplastify The Planet’

ORANJESTAD (AAN): Recien a observa e “Siman di Erasmus+” na Colegio Arubano.  Aruba a bira e di cinco pais na turno, pa asina ricibi grupo di mas di 30 studiante- y docentenan di Belgica, Croacia, Austria, Portugal, y Spaña pa e proyecto titula ‘Erasmus+ Deplastify The Planet (DTP)’.

   DIARIO a compronde, cu e gruponan di Croacia, Spaña, y Belgica a yega algun dia despues di e prome grupo.  Pasobra e grupo di Austria a yega ya desde 25 di Januari, y e grupo di Portugal a yega dia 28 di Januari.

   E grupo aki a keda presenta cu un programa varia na scol, y tambe rond di Aruba.  Sigur danki na tur e docentenan y alumnonan cu a participa y yuda cu esaki.

   Den pasado, ya caba algun studiante di Colegio Arubano a viaha pa Austria pa e proyecto aki.  Awor ta e grupo a bin Aruba.

   Erasmus+ ta sostene proyectonan di cooperacion entre instancia- y organisacionnan di diferente pais, dirigi pa mehora inovacion y e mihor practicanan den ense؜ñansa y entrenamento.

   E proyecto di Erasmus+ ta pa mustra e alumno- y docentenan riba e importancia di e efectonan di ‘single use plastic’ riba medio ambiente, flora, y fauna.

   Docentenan Jessica Maduro y Crystal Koolman ta esnan cu a coordina e proyecto di Erasmus+ cu Colegio Arubano.  Eva Peeters ta e lider di proyecto Erasmus+ Deplastify The Planet, di St. Gummarus College na Lier, Belgica.

   Henter e proyecto ta carga aprobacion y admiracion di Rector, Tim Croes, di Colegio Arubano.