CMB ta fortalece colaboracion y desaroyo di nos Non-Profit Organizations NGOs

Durante conferencia di Good Governance 2026

ORANJESTAD (AAN): Caribbean Mercantile Bank N.V. (CMB), den colaboracion cu CEDE Aruba y Universidad di Aruba a organiza exitosamente e di dos edicion di e Non-Profit Leadership & Governance Conference bou di tema “Heart + Knowledge for Community Work”, cu a tuma luga diasabra 31 di October na Aruba Marriott Resort Stellaris & Casino.

   E conferencia a reuni representante di diferente organizacion y fundacion di nos comunidad pa comparti conocemento, intercambia experience y fortalece colaboracion, cu e meta di contribui na un sector di NGOs mas fuerte y sostenible na Aruba.

   Durante e dia, participantenan a haya oportunidad di profundisa den temanan importante manera liderazgo, gobernacion, responsabilidad social, sostenibilidad y colaboracion entre organizacionnan. Atraves di presentacionnan inspirativo y sesionnan interactivo, e conferencia a destaca e importancia di traha hunto pa crea un impacto positivo y duradero den nos comunidad.

   CMB ta extende palabranan di gratidud na CEDE Aruba & Universidad di Aruba, na tur oradornan y facilitadornan pa nan contribucion valioso, y especialmente na tur organizacionnan y participantenan cu a forma parti di e evento.

Cu e iniciativa aki, CMB ta reafirma su compromiso cu desaroyo sostenible, bon gobernacion y fortalecemento di nos comunidad. Hunto nos ta sigui construi un futuro mas fuerte pa Aruba.