CMB Bank a haci furor durante e weekend di Carnaval

ORANJESTAD (AAN): Durante ultimo weekend di Parada di Carnaval, comunidad di Aruba por a mira e team alegre, informativo, y sigur yen animo di CMB Bank riba caya.

   Tanto na San Nicolas como na Oranjestad, por a mira nan cu nan shirt oranje ta pasa acerca comunidad para a lo largo di e ruta.

   Di e forma ey, CMB Bank a termina Carnaval 72 partiendo articulonan den ambiente agradabel!  Esnan di organizacion SMAC cu a mira nan pasa, a keda impresiona cu e total dedicacion cada uno tabatin.

   Publico a ser pidi pa mustra nan carchi y lealtad na CMB.  A haya sombre, y diferente articulo mas como regalo.  Y a enfatiza riba e carchi yama ‘The Florin Card’ cu ta dunabo placa bek.

   Djis e presencia di e grupo a trece sonrisa riba tur hende para of sinta na banda, y tambe cerca participantenan den Parada.  Pesey CMB Bank ta gradici tur esnan cu a yuda haci e accion aki posibel, y danki na SMAC y tambe na Carnavalistanan cu a haci Carnaval 72 uno grandi.

   Esnan cu kier mas informacion di The Florin Card, por bay riba website di cmbnv.com y uza Live Chat, of pasa na un sucursal di nan.