Club Kibrahacha a celebra Dia di Mama na un forma hopi agradable na Manchebo Beach Hotel

ORANJESTAD (AAN) – Un fiesta hopi anima, Club Kibrahacha a organiza en ocasion di DIA DI MAMA, cu ta wordo celebra Diadomingo awo, dia 10 di Mei.

E celebracion bon mereci aki, a tuma lugar na Manchebo Beach Hotel, unda tambe a elegi mama y tata di aña, den e personanan di Eileen Wernet y Jose Rasmussen, y e mama boluntario cu a bira Elizabeth Robles de Medina.

E damanan a goza di momentonan masha agradable mes, cu dushi cuminda, coi bebe, postre, etc., y loke sigur no por a falta cu ta bon entretenimento musical, cu a pone nan los pia y balia na nan smag.

Hopi pabien pa un y tur y cu tur mama na Aruba pasa un dushi Diadomingo, rondona di hopi cariño, cu nan cas, yiunan y esnan cu ta wela cu nan nietonan tambe, pa doblemente feliz.

Riba potret por aprecia algun imagen di e bunita celebracion aki.