ORANJESTAD (AAN): Entrante e luna di consumo di februari 2023, e clientenan di ELMAR cu ta registra pa e-Billing lo no ricibi nan factura di coriente mas na cas via post.
En cambio, usuarionan di e-Billing lo sigui ricibi nan factura
digital via nam plataforma di e-Connect. e-Billing ta notifica bo via email cu bo factura ta online riba e-Connect.
E cambio pa factura digital tin varios bentaha pa e clientenan y e organisacion. e-Billing ta eficiente y mas sano pa medio ambiente. E ta reduci e uzo di papel y e costo asocia cu print y post. Ademas e ta mas conveniente pa e clientenan, door cu e clientenan facilmente lo tin acceso na nan factura di coriente digitalmente pa por haci pagonan online.
Ban paperless! Recibo bo factura digital. Si bo no ta un usuario di e-Billing ainda y ta desea pa registra; subi www.elmar.aw, log-in riba nos plataforma di e-Connect, y sign up pa e-Billing. Ban contribui na sosteniblidad!
Si tin cualke pregunta, por fabor tuma contacto cu nos departamento di Customer Service na This email address is being protected from spambots. You need JavaScript enabled to view it..
