Clientenan di Centro Man na Obra a goza di un tremendo sportdag den conexion cu Dia di Rey

JeanJarre Kock di SVGA

ORANJESTAD (AAN): Siman pasa, den conexion cu Dia di Rey, Centro Man Na Obra a celebra cu un sportdag pa nan clientenan. Esaki a wordo organiza pa stagiere di Hulanda señor Stan van Beek, conhuntamente cu educador fisico di SVGA, señor JeanJarre Kock y directora di e centro, señora Elvira Tromp.

  Segun señor JeanJarre Kock, e proyecto su meta tabata pa no solamente tene e clientenan di e centro den condicion, pero pa integra nan den comunidad den fiesta y eventonan nacional y cultura. E proyecto di Koningsspelen riba su mes, el a splica, ta un forma di inclusion pa personanan cu un forma of otro cu limitacion na unda ta adapta deporte na nan nivel pa nan adapta tambe.

   SVGA ta stimula deporte pa nos hendenan cu limitacion y di dialuna pa diabierna, tur cliente ta haya les fisico di un pa tres biaha pa siman. Esaki ta tene nan den condicion pa ora momentonan special asina presenta, nan ta den condicion pa participa y mustra comunidad kico nan por ora nan haya oportunidad pa haci asina.