ORANJESTAD (AAN): Un ciudadano a indica cu el a cumpra un smartphone nobo, y esun bieu cu e tabatin el a reset esey completamente y a bende e aparato.
Pero awor cu su smartphone nobo, el a bay download e app di Bo Impuesto (BOi) di Aruba pa asina e tin eyriba e.o. informacion di tur su pagonan di impuesto.
Sinembargo ora cu el a bay agrega su profil cu informacion di su number di auto, ata un problema a presenta. E app ta bise cu “E vehiculo aki ta registra caba riba un otro celular. Code 409.”
Esey ta aparece, siendo cu e otro App riba e otro celular ya no ta existi mas. Tur cos di e smartphone bieu a wordo ‘factory reset’.
El a purba di yama Departamento di Impuesto, pero no a haya ningun contesta satisfactorio con pa fix e problema aki.
Esey nifica, cu esnan cu a desaroya e App aki no a tene na consideracion cu ciudadanonan por cambia di celular? E ta spera cu esnan encarga cu Departamento di DIMP por check e asunto aki.
