ORANJESTAD (AAN): Si bo kier haci pago na oficinanan di MFA rond di Aruba, pa sea paga Plachi di Number, etc.
, corda bon cu eynan abo por haci pago solamente cu Debit-Card. No ta acepta pago cash.
Esey ta valido tambe na Oficina Principal di DIMP na Camacuri. Pero toch tin excepcion.
Esey ta loke Meverly Romano di DIMP a splica durante un conferencia di prensa.
El a splica, cu hendenan di riba 60 aña di edad, cu no ta comerciante, si por sigui haci pago cash na oficina di Camacuri.
Tambe tin excepcion pa e ciudadanonan cu ta cobra Bijstand. Si nan bin cu prueba cu nan ta ricibi Bijstand, e ora tambe Camacuri ta acepta pago cash for di nan.
Pero pa tur otro hende, ta acepta pago solamente cu Debit Card. Esaki sigur ta informacion hopi valioso suministra pa señora Romano.
