ORANJESTAD (AAN): E sorteo di Diahuebs anochi pa Lotto di Dia, a produci e numbernan: 05, 12, 15, 19, y 21.
E biaha aki tabatin un solo ticket cu tabatin tur number bon! Y e ticket aki tabata den man di e dama Cindy.
El a acudi Diabierna caba na Oficina di Lotto na Playa pa reclama su premio. Aki nan a revisa su ticket pa check si el a pone su firma na e banda patras, hunto cu su numbernan di banco.
Ora cu a scan e barcode den Computer, esaki a confirma cu Cindy a gana 54.000 Florin como e jackpot di Lotto di Dia.
Mesora a cuminza cu e proceso pa transferi e premio electronicamente pa su cuenta di banco. Cindy a indica cu e ticket ganador el a cumpra na Manton Lottery 4.
