Cinco militar Arubiano a huramenta na ARUMIL

ORA JESTAD (AAN): Cinco militar Arubiano a huramenta oficialmente dia 9 di juli 2026 durante un ceremonia na Marinierskazerne na Savaneta.

E huramentacion ta marca un momento importante den nan carera militar den ARUMIL (Arubaanse Militairen).

Durante e ceremonia tabatin presencia di famia, colega, Gobernador di Aruba, Prome Minister di Aruba, Comandante di Forza Naval den Caribe Hulandes y otro invitado.

Mas prome e aña aki, e cinco militarnan a completa hunto cu militarnan di CURMIL (Curacaose Militairen) e Formacion Militar Basico (EMV). Despues nan a sigui cu e modulo di Vigilancia y Siguridad (B&B), cu a prepara nan ainda mas pa e trabaonan cu nan lo desempeña den Defensa den Region Caribense.

Despues di huramenta, e militarnan lo continua cu nan trabaonan den ARUMIL. Aki nan lo contribui na siguridad di Aruba y di e parti Caribe di Reino Hulandes.

E ceremonia ta marca un momento special pa e militarnan y nan famia. Cu nan huramentacion, nan ta confirma oficialmente nan compromiso cu Defensa y cu e ehecucion di nan debernan militar.