ORANJESTAD (AAN): Crisis Team y Departamento di Salud a duna di conoce cu pa loke ta diamars 12 persona a recupera, mientras cu a registra un total di 5 caso nobo di Covid-19, di cual tur ta residente.
E cantidad total di testnan ehecuta dialuna na e diferente localidadnan na Aruba, entre otro laboratorio di hospital, laboratorionan priva y aeropuerto ta 395 test.
'Positivity rate' entre residentenan ta 3%.
Casonan activo ta 46 (37 residente). E cantidad di fayecido relaciona cu Covid-19 ta 107.
