Cantidad di pashent den ICU na Colombia a subi - * Desde 1 di Juli, 25 persona a muri na Aruba
ORANJESTAD (AAN): Cifranan di Covid-19 a drenta diaranson y nan ta indica cu segun resumen 107 persona a recupera y un total di 74 caso nobo di COVID-19 a keda registra cual 4 ta turista y 70 ta residente.
E cifranan aki ta representa un 'Positivity rate' bou di residentenan di 24%. Cantidad di casonan activo di COVID-19 ta 731 y cantidad di fayecidonan relaciona cu COVID-19 a aumenta na 132 cu fayecimento di 3 residente y un persona indocumenta di cual ningun tabata vacuna.
Datonan di COVID ta ilustra casonan nobo cu un average semanal di 83 caso pa dia y un average di 'positivity rate' semanal di 25% pa dia.
Tin actualmente 68 persona interna cu COVID di cual 11 ta den ICU na Aruba, 18 den ICU na Colombia (1 a fayece) y 39 riba piso general na Aruba.
Riba e grafico por mira cu e cantidad di personanan cu a fayece (desde 1 di Juli 2021) relaciona cu Covid-19 y cu no a haya vacuna ta na 21, mientras cu a fayece 4 persona (cu alomenos 1 vacuna).
E cifranan aki ta refleha un total di 25 persona cu ta fayece relaciona cu Covid-19 desde dia 1 di Juli 2021.
Pa loke ta Hospital, datonan desde 1 di Juli ta mustra cu 43 persona no vacuna (90 %) a wordo ingresa den ICU. Tin 4 persona (8 %) totalmente vacuna y 1 persona ( 2 %) tabata parcialmente vacuna, segun datonan di DVG.
