Yamada a habri:
ORANJESTAD (AAN): E tanda nobo pa Beca di museo a habri pa haci peticion. E programa aki ta facilita investigacion cu ta aporta na fortificacion di e funcion cientifico di museonan. Colaboradonan di museo por entrega peticion pa beca di investigacion, dirigi riba investigacion di y pa museonan.
Informacion: Tur cos ta mustra cu e sesion di informacion online lo bay ta otro siman dia 10 di maart. Exactamente riba diamars 10 di maart 2026 NWO ta organiza un sesion di informacion relaciona cu e tanda nobo di Yamada ‘Beca di museo’. Durante e encuentro online aki participantenan ta ricibi mas informacion tocante e yamada y e proceso di aplicacion. Tambe tin suficiente oportunidad pa haci pregunta.
Pa mira e encuentro di informacion aki, bay na e website:
Tocante e Yamada: Den e programa Beca di Museo, colaboradonan di museo por pidi subsidio pa investigacion cientifico cortico y di profundidad, relaciona cu museo of coleccion. E resultadonan mester beneficia e practica di investigacion riba tereno di museo y ser documenta den un publicacion cu acceso habri.
Colaboradonan di un entidad di museo por fungi como peticionario principal. Pa cada peticion un investigado afilia na un organizacion di investigacion ta envolvi como guia di e investigacion.
E programa Beca di Museo no ta fortifica solamente e posicion di investigacion relaciona cu museo den e area cientifico, pero ta promove tambe colaboracion y intercambio di conocemento entre museonan y institucionnan di investigacion.
Pa check oficialmente e yamada pa proposicion, bay na e website:
E biaha aki, esaki ta e presupuesto y ultimo fechanan. E blafon di subsidio pa e Yamada pa entrega proposicion aki ta suma en total € 700.000. Pa cada proyecto tin minimo € 10.000 y maximo € 50.000 cu por pidi na subsidio. E ultimo fecha pa haci peticion ta diamars 12 di mei 2026, pa 2:00 pm (ora di Europa).
