ORANJESTAD (AAN) – Chaldira Vis a hiba palabra den conferencia di prensa, tocante e proyecto “Stop Violencia na Aruba”, ken ta un victima di violencia.
El a bisa cu na momento cu Xiomara Hernandez-Perdomo a acerca su persona, el bisa cu e ta sostene Xiomara “all the way” cu e proyecto aki.
“Esaki ta algo cu Aruba tin mester di organizacionnan asina, pa yuda combati violencia, y miho ta pa cuminza cu e hobennan. Bay scol, duna charla, stimula e hobennan, concientiza nan kico e consecuencianan ta tras di violencia. Mi ta kere cu Aruba sa kico a pasa cu mi, y mi ta sostene Xiomara all the way cu e bunita proyecto aki, cu Aruba henter y gobierno mester sostene”, Chaldira a expresa.
El a gradici di a wordo acerca pa forma parti di e proyecto aki, y e ta sigur cu den transcurso di añanan e lo bira hopi exitoso, specialmente pa e hobennan.
