Certificacion di Botica di Servicio lo yuda garantiza un bon calidad di cuido

Inspector di Medicina ta hopi satisfecho

ORANJESTAD (AAN): Roslyn Angela kende ta di Inspector di Medicina pa Inspectie Volksgezonheid Aruba, a indica Diabierna atardi na ocasion cu Botica di Servicio Eagle a ricibi e certificacion di HKZ, cu nan ta contento cu esaki.

    Calidad di cuido ta hopi importante pa e mundo di farmaceutico tambe, tanto pa e pashent individual haya bon calidad di cuido di e Botica.

   “Pesey e certificado cu Botica a haya awe ta un herment pa garantiza un bon calidad di cuido, y tambe asina sigui continua y poco-poco mehora nan calidad di cuido,” Angela a indica.

   El a bisa cu loke pa Inspectie di Medicina ta importante, tambe a wordo ancra den ley Landsverordening Kwaliteit Gezonheidszorg cu ta mustra cu mester tin un sistema pa asina por maneha y cuida e calidad di cuido cu tin pa e pashent.

   Di parti di Inspectie, nan lo haci uso di e sistema cu tin cu ta haci nan vigilancia mucho mas facil, como cu e Botica mes ta haciendo hopi risk-management pa asina detecta y saca riesgonan cu tin y cu tin prioridad pa nan, y pa nan traha riba dje, y asina nan mehora nan servicionan.

   Ora di detecta riesgo, por saca cierto ‘trends’ cu den forma di planning, hunto cu demas boticanan por labora riba cierto linea di conducta hunto cu Inspectie pa mehora e servicio di cuido di Aruba en general pa e pashentnan individual.

   Pesey Angela a felicita Botica di Servicio cu e certficiado, y tambe cu e opleidingsplaats cu tambe ta contribui pa mehora e calidad di cuido aun mas.  Di e forma por sigui duna curso na e boticarionan local pa asina e cuido en general pa e pashentnan ta esnan mihor.