Ceremonia di reconocimento pa pensionadonan di Cuerpo di Bombero (Brandweer)

ORANJESTAD (AAN): Diamars a tuma lugar un ceremonia di reconocimento pa e pensionadonan di Brandweer pa tur nan añanan di dedicacion y servicio.

            Segun e mandatario, den un combersacion un pensionado a conta cu despues di a bandona cuerpo di bombero e no tin ni un carta pa e por mustra por ehempel su nietonan cu el a traha asina hopi aña pa Brandweer.

            Tjon a splica cu asina tin mas storia y pesey ora cu el a haya e peticion di parti di SINBA y e management team pa organiza e ceremonia aki. El a finaliza bisando cu di awor pa dilanti hunto cu e sindicato y management team lo percura pa esnan di Cuerpo di Bombero cu bay cu pensioen, no bay sin haya e reconocimento bon mereci.