ORANJESTAD (AAN): E comision encarga pa recauda fondo pa renoba Centro Pastoral Aruba (CPA) y pa mehora e facilidadnan na e centro aki,
ta bay tene un Bingo diasabra 5 di september venidero.
E Bingo ta tuma luga na Club Caiquetio y e horario ta 8:00 pm pa 11:00 pm. Porta ta habri 6:00 pm y tur cos ta na ordo pa tur bon amante di bingo. E comision ta participa cu tur fondo cu recauda durante e evento aki, ta destina pa renobacion di e unico centro cu Aruba tin di e indole aki.
Ta pidi pueblo di Aruba pa duna un man, ya cu pa hopi aña CPA situa na Santa Cruz a sirbi como un centro di encuentro, capacitacion, liderazgo, retiro, formacion di hobennan y actividadnan comunitario. Si acaso bo ta desea di yuda bende of cumpra bingo pa duna bo aporte na e bon causa aki, bo por tuma contacto libremente cu cel 565-7176 pa mas informacion y of pa delivery.
