Vakantie ta yegando
ORANJESTAD (AAN): Fundacion Centro Famia Piedra Plat (FCFPP) ta presenta un biaha mas un Campamento inovativo pa 2026, un programa di tres siman diseña pa empodera mucha- y hobennan a traves di creatividad, musica, inovashon y liderazgo. Cada siman ta ofrese un tema unico y actividadnan apropia pa edad cu ta alimenta confianza, curiosidad y comunidad.
Nan campamentonan ta provee un ambiente sigur, alegre y inspirativo caminda e muchanan participante ta explora siñamento practico, construi amistadnan y desaroya habilidadnan esencial di siglo 21.
Nan meta General pa e camp ta pa cende curiosidad, construi confianza, y fortalece creatividad den e mucha y hobennan a traves di musica, arte, inovacion y liderazgo.
Siman 1: Pa edad 4 - 7 aña, di 27 Juli pa 31 Juli, pues Dialuna pa Diabierna di 8:00 am - 1:00pm.
Siman 2: Pa edad 8 - 11 aña, di 3 Augustus pa 7 Augustus, pues Dialuna pa Diabierna di 8:00 am - 1:00 pm.
Siman 3: Pa edad 12 - 16 aña, di 10 Augustus pa 14 Augustus, pues Dialuna pa Diabierna di 8:00 am - 1:00 pm.
Nan lo tin docentenan y asistentenan pa guia e muchanan durante henter e Camp. Maximo mucha cu nan ta tuma ta 30 persona y lo tin 10 lider pa cada Camp.
Door di e sosten cu nan ta ricibi di CEDE Aruba nos tin prijs social pa muchanan di menos recurso pa asina tur mucha por tin e mesun oportunidad pa pasa un tempo dushi y educativo. Parti mainta e muchanan lo haya snack, juice, fruta y cuminda cayente merdia.
Pa mas informacion WhatsApp: 699-5545 of tambe email: This email address is being protected from spambots. You need JavaScript enabled to view it. y corda cu nan horario di oficina ta di 9:00 am pa 5:00 pm.
