Celebrando e di 85 cumpleaño di Jacenta

ORANJESTAD (AAN): Un fecha special, na honor di un persona hopi stima, tabata e razon cu a celebra un fiesta na cas na Saliña Cerca.

   Asina a celebra e di 85 aña di Jacenta Wernet.  El a celebre cu su yiu Grace y su nuero Maikito.  Tambe di su nieto Giovany y Angelo, di su rumannan Hilda, Rosa, y Adela.

   Tambe demas famia y tur su bisiñanan stima cu a yega, y topa cu un Jacenta contento y tabata combersa na grandi cu nan.

   Su sobrino, e conocido musico Chicho Kock a deleita tur invitado cu musica.

   Di parti DIARIO ta bay palabranan di felicitacion y hopi aña mas di bida y salud.