Celebracion di sorpresa pa festeha 25 aña di juffrouw Jeanette Hooker den enseñanza

Docentenan di Abraham de Veerschool di fiesta

ORANJESTAD (AAN): Siman pasa, directiva y docentenan di Abraham de Veerschool MAVO Aruba, hunto cu Sr. Clay Shipley di Departamento Scolnan Publico DPS, y Sr. Clyde Lie-Kwie di School Inspectie, a bin sorprende e Sub-Directora juffrouw Jeanette Hooker cu un celebracion na Rum Reef.  Esaki den cuadro di su 25 aña den Enseñanza na Aruba.

   Algo notabel ta e hecho cu juffrouw Hooker kende semper gusta haya informacion di antemano di tur cos, sorprendentemente a keda den shock ora cu el a yega na Rum Reef cu su yiu pa un supuesto trip cu e yiu, y a bin topa cu tur su coleganan docente ta wardando riba dje, cla pa celebra cu ne.  Pues sorpresa di berdad, y ningun fuente a dune ‘tip’ di antemano di e fiesta.  Cabezante Jane Bueno-Hooft tabata presente pa felicit’e tambe cu e hubilo.  Den e discursonan, hopi a duna danki na juffrouw Hooker pa semper tin un orea pa scucha riba asuntonan, y semper ta duna un conseho positivo.

   Un palabra di pabien na juffrouw Hooker cu su 25 aña den Enseñanza.  Y danki tambe pa ta un di e pilarnan importante.  Nan a dune un bunita regalo, y a goza un mundo di e celebracion.