Celebracion di Dia Mundial di Diversidad Cultural pa Dialogo y Desaroyo riba Plaza Libertador Betico Croes

ORANJESTAD (AAN): Diasabra anochi a tuma lugar e di binti edicion di Encuentro Multicultural Aruba

pa celebra Dia Mundial di Diversidad Cultural pa Dialogo y Desaroyo riba Plaza Libertador Betico Croes.

Prome Minister di Aruba, mr. Mike Eman y Minister di Turismo, Transporte y Labor mr. Wendrick Cicilia, tabata presenta pa asisti e Encuentro Multicultural Aruba, cu a wordo organisa pa Departamento di Cultura, Gobierno di Aruba y UNESCO.

Durante e anochi, publico a disfruta di un programa vibrante cu un show multicultural cu presentacionnan di varios grupo cultural local, y a inclui un feria gastronomico, na unda diferente pais a presenta nan cumindanan tipico.