Celebracion 40 aña di existencia grupo Scout St. Paulus Michael

ORANJESTAD (AAN): Recientemente Grupo Scout St. Paulus Michael a celebra su di 40 aña di existencia.

Esaki a worde celebra den grandi cu diferente otro gruponan scout di Scouting Aruba.

   E celebracion a tuma lugar na Carnival Village unda cu Grupo Scout St. Paulus Michael a otorga diferente reconocemento na personanan cu durante e ultimo añanan a duna hopi di nan tempo na crecemento di nos grupo di cual nos ta aprecia masha tanto.

  E anochi a culmina cu un tremendo competencia di e diferente drumbandnan di Scounting Aruba. Aki e ganador absoluto a keda e drumband di Grupo Scout Ora Ubao.

   Un palabra di gradicimento sigur ta bay na tur e miembronan di Grupo Scout St. Paulus Michael, mayornan cu ta confia nan yiunan cu nos grupo, tur nos lidernan scout y nos GL, na Anna Maria Richardson cu ta celebra 40 aña como lider den nos grupo y a inicia cu nos grupo for di prome dia, na Teresita Center unda nos ta reuni tur siman pa 40 aña, y tur miembro di nos drumband GSSPM.

   Pa e anochi di celebracion, gradicimento ta bay pa nos MC, e drumbandnan cu a participa na e competencia, huradonan, drumband invita pa e anochi di celebracion di Veteran Scouts of Aruba, na tur grupo scout cu a uni y haci nos celebracion uno inolvidabel.

   E grupo kier a informa alavez cu nos ta habri pa tuma miembro nobo entre 5 pa 17 aña.  Pa mas informacion por tuma contacto cu nos na: via Facebook: Grupo Scout St. Paulus Michael.