Celebra Dia di Himno y Bandera na Centro di Bario Savaneta

ORANJESTAD (AAN):  Diamars 18 di maart, Centro di Bario Savaneta ta invita bo pa su actividad pa celebra nos Himno y Bandera.

E actividad ta cuminsa desde 10or di mainta te cu 6or di atardi. Un dia yena cu entretenimento, baile, canto pa deleita tur esnan presente.

            Tambe lo tin un mini bazaar cu diferente producto local, manera artesania, cos dushi y mucho mas, show di cabay y weganan popular pa grandi y chikito cu semper ta trece e ambiente competitivo y animacion. Nan bar y cushina tambe lo ta bon surti. 

            Meta di e actividad ta pa promove semper nos cultura y tradicionnan como tambe recauda fondo pa por inverti den e edificio y veld deportivo di Centro di Bario Savaneta. Nos ta invita un y tur pa pasa bishita nos 18 di maart y pasa un rato ameno den compania di bo famia, amistadnan y conocirnan.

            Centro di Bario Savaneta ta un centro di recreacion y comunidad unda cu grandi y chikito por bini hunto pa promove e desaroyo mental, social y fisico.