Diadomingo 28 di September
ORANJESTAD (AAN): CEDE Aruba ta orguyoso pa sigui su Vibracion Cultural cu e Festival di Cuminda di Lama y Torneo di Pesca.
E evento vibra aki, organisa hunto cu Aruba Tourism Authority (A.T.A.) y Fundacion Savaneta Prome Capital, ta celebra e rikesa cultural di Aruba y ta duna sosten pa iniciativa local.
E serie Vibracion Cultural ta diseña pa duna mas poder na comunidad via evento sostenibel y creativo. E prome edicion, den colaboracion cu Centro di Bario Noord a reuni hendenan pa un festival alegre cu banda local y musica original.
Pa e di dos edicion aki ta enfoca riba Savaneta. E meta principal ta pa duna mas poder na comunidad di piscado door di renoba e pier y mercado di pisca.
Bishitantenan lo por gosa di pisca fresco prepara directamente di torneo; “Di lama pa tayo”. Tambe ta bay tin mas di 20 tent cu ta ofrece seafood. Lo tin un mercado di arte nan local, actividad pa famia y musica en bibo.
Tur ganashi ta bay na reparacion di e piernan di Savaneta.
E evento: Vibracion Cultural Vol. 2 – Festival di Cuminda di Lama & Torneo di Pesca lo tuma lugar riba Diadomingo 28 di September, 2'or pa 9'or di anochi, na Pier di ex Brisas del Mar, Savaneta y entrada ta gratis.
