Cifranan di fayecimento a bira 109 - ORANJESTAD (AAN): Ta sintiendo e preocupacion den comunidad relaciona cu e aumento di casonan di Covid-19, principalmente relata na e variante Delta cu ta mas contagioso y peligroso.
Por mira cu na Aruba e casonan ta bayendo dia pa dia den aumento. Di un total di 9 caso nobo dialuna, pa diamars a cifra aki a bira 13, di cual 8 ta residente y 5 no-residente.
E casonan activo ta 97 (un amento di 10), unda e residentenan ta 42 y no-residentenan ta 55.
E cantidad di personanan recupera entre dialuna y diamars ta solamente 2 persona.
Mientrastanto e cifranan di fayecimento a aumenta cu un persona mas pa un total di 109.
Te cu aworaki, Aruba a conoce un total di 11.257 caso positivo (10.297 residente y 960 no-residente). 11.051 persona a recupera (10.147 residente y 904 no-residente).
Datonan ta abase di e actualisacion diario riba e website arubacovid19.org
