Cuatro caso nobo registra diabierna - ORANJESTAD (AAN): Crisis Team y Departamento di Salud a indica cu segun resumen di diabierna 3 persona a recupera,
mientras cu a registra total 4 caso nobo di Covid-19, di cual tur ta residente.
E cantidad total di testnan ehecuta diahuebs na e diferente localidadnan na Aruba, entre otro laboratorio di hospital, laboratorionan priva y aeropuerto ta 364 test.
'Positivity rate' entre residentenan ta 7%.
Casonan activo ta 29 (28 residente). E cantidad di fayecido relaciona cu Covid-19 ta 107.
E cantidad di personanan vacuna ta 66635 cu ta representa un promedio di 67% di e poblacion di 18 aña bay ariba.
