ORANJESTAD (AAN): No tin duda cu e casonan di Covid-19 na Aruba tin un tendencia na subi.
Diahuebs, Departamento di Salud a informa cu tin 21 caso nobo di Covid-19 di cual 12 ta residente y 9 ta no-residente.
E casonan activo a subi te na 130 caso nobo (65 residente y 65 no-residente).
Pa loke ta e personanan recupera e cifranan ta mustra cu solamente 2 persona a recupera entre diaranson pa diahuebs.
Tin un total di 11.293 caso den total registra di Covid-19 na Aruba for di luna di Maart 2020, tempo cu a pandemia a inicia.
No a raporta ningun fayecimento.
