E costonan di tratamento di caso Avestruz ta sumamente halto --- *Salario di Benny ta basa riba pago di un trahador di Gobierno --- *Na 2021 veredicto di Huez contra Benny den un caso civil tereno
ORANJESTAD(AAN)—Ayera inicio a wordo duna na Aruba na un caso penal na momento cu a trata e forma cu lo realisa e caso Avestruz den cual e figura central ta Benny Sevinger, kende na nomber di Pueblo di Aruba a dicidi den e maneho cu a wordo duna na terenonan na Aruba.
E caso cu a haya su inicio ayera, tin atencion total no solamente na Aruba pero tambe den Reino Hulandes no pa motibo cu un politico ta wordo acusa di entre otro corupcion, pero pa motibo cu e acusado central ta Miembro di Parlamento di Aruba.
Benny Sevinger, hunto cu su partido AVP, a permiti creacion di un situacion sumamente serio, cu manera expertonan ta splica ta trapa riba e balor constitucional di Husticia.
“Pa comprende loke ta pasa actualmente den Corte di Husticia na Aruba, mester bolbe na e alma di Constitucion, cu mester brinda proteccion na e pais, e ciudadanonan tanto riba tereno material como tereno no material,” informantenan a mustra.
“E trahador di Ley, un homber cu ta dicidi kico ta ley na Aruba, ta presenta dilanti Huez pasobra e ta wordo acusa di a viola ley,” expertonan ta trece dilanti.
Nan a mustra cu prome cu Huez huzga den un caso, ningun hende por bisa si un persona ta culpabel of inocente. Sinembargo, den e caso aki, aspectonan serio mester wordo tuma na consideracion.
“E posicion di Miembro di Parlamento ta wordo uza pa discrimina contra otro ciudadanonan y sigur personanan cu ta traha den aparato gubernamental, cu no por keda na funcion si nan ta sospechoso,” informantenan ta mustra.
E pregunta grandi ta, si por mara e Miembro di Parlamento na loke ta regla pa sigur e trahador di Gobierno.
Expertonan ta indica cu sigur por haci esaki, pasobra hasta e sueldo cu ta paga Miembronan di Parlamento ta basa riba loke ta wordo paga na trahadornan di Gobierno.
Den pasado Miembronan di Parlamento no tabata den servicio di Pueblo. Nan tabata ricibi un compensacion pa nan trabou.
Awe no por evalua e funcion di un Miembro di Parlamento como un “posicion di honor” pero como un areglo di trabou di un Miembro di Parlamento cu ta wordo paga pa haci su trabou.
Pues mester a sigura cu loke ta aplicabel pa e trahador di Gobierno tambe ta aplicabel pa Miembro di Parlamento, mas ainda pasobra e hecho cu ta suspende un trahador di Gobierno pasobra e ta sospechoso di un crimen, tin mas peso ora ta trata un Miembro di Parlamento.
“Benny Sevinger por exigi pa haya tur documento cu e ta desea pa mira,” informantenan a mustra. Benny Sevinger ta dicidi kico ta pasa cu Aruba.
Cu den e caso penal Benny Sevinger cu sosten di su partido a haya oportunidad pa keda den Parlamento di Aruba, loke ta discriminatorio contra trahadornan sospecha di un crimen, tin mas peso.
Informantenan ta indica cu na final di 2021 Huez a dicta fayo den un caso civil contra Benny Sevinger, den cual a bini dilanti cu Benny Sevinger a actua contra regla ora el a otorga un tereno den erfpacht.
Manera a bini dilanti den e caso “Ocean Eco Cleaner” Benny Sevinger a otorga un tereno na un prijs suave, mientras e no tabata tin permiso mas como Ministro pa haci esaki.
Huez a dicta sentencia den e caso civil den cual a bini dilanti cu ley no por reconoce e decision di Benny Sevinger, cu no tabata tin autoridad pa otorga tereno na momento cu ya e tabata Ministro demisionario.
Pues den e caso civil aki, Benny Sevinger a actua contra regla legal pa un Ministro otorga tereno.
E caso penal cu ta haya su inicio awor lo costa Aruba basta placa. Tin e costo di investigacion preliminar cu e pais mester paga.
E proceso dilanti Huez di un caso cu un cantidad importante di acusado.
E reputacion di Aruba a cay te na suela.
E hecho cu Benny Sevinger a dicidi cu e a keda den Parlamento ta sigui trapa riba e balor constiticional di e caso.
“Pa comprende e caso aki mester bay na Constitucion,” un experto ta mustra. Un caso penal ta un defensa di un comunidad y su ciudadanonan cu mester haya proteccion contra loke ta malo, loke ta mishi cu bienestar di e hende y e comunidad.
E balor di Husticia enfrente Constitucion mester ta un midi ora un Miembro di Parlamento cu ta representa Pueblo, ta envolvi, manera expertonan ta trece dilanti.
Por spera cu na 2022 nomber di Aruba lo keda den publicidad pa motibo di un caso penoso.
