ORANJESTAD (AAN): Tabatin basta pasahero preocupa si acaso nan vuelonan di Diaranson lo a sigui of no, debi cu e Disturbio Tropical a pasa den area di Aruba.
A sali na cla, cu ningun aerolinea grandi no a cancela ningun vuelo. Tur a baha y subi normal. Aeropuerto di Aruba mes a emiti un declaracion indicando cu nan a keda operacional henter dia riba Diaranson.
Esey a sigui, mientras cu nan tabata vigila e situacion di e tempo riba e isla, e condicon di biento, y con fuerte awa ta yobe.
DIARIO a nota cu Diaranson merdia, ta un vuelo di carga so no a ateriza na Aruba.
Pero tur vuelo di jetBlue, American Airlines, Delta, United, Southwest, Avianca, y TUI a baha na tempo, y subi bek tambe na ora.
American Airlines cu su vuelo 1028 tabata e ultimo cu a ateriza pa 5:47 pm. Despues di esey, ningun mas no a baha, y esakinan tabata vuelonan regional procedente di Curaçao y Bonaire. Ta notable cu KLM tampoco no a yega riba Diaranson atardi, como cu a pospone e vuelo pa 1 dia. Mesun cos ta valido pa Air Century y Surinam Airways.
