ORANJESTAD (AAN): Pride On Stage 2024 ta bay tuma lugar dia 8 di Juni na Cas di Cultura (CdC) y durante un conferencia di prensa Dialuna mainta,
Lotte van den Heuvel, hefe di programacion y educacion di Cas di Cultura a splica cu esaki ta bay ta di 3 aña cu ta celebra ‘Pride’ na CdC.
“Cas di Cultura ta un lugar pa tur hende, pues tur hende ta bon bini y por stima tur hende akinan”.
E aña aki nos tin un ‘International Pride Show’, pues nos tin 8 hende cu ta bin di New York como parti di ‘The Love Show’, segun van den Heuvel.
El a sigui bisa cu ta trata di 8 hende cu tin hopi experiencia cu Pride Show na New York y rond mundo y cu CdC ta hopi orguyoso di por tin nan riba stage aki na Aruba.
“Nos tin un evento prome cu e show mes y esey ta bay ta un dia prome esta riba Diabierna dia 7 di Juni”.
E evento ta un asina yama ‘small skill event’ cu e nomber, ‘Queer and Cozy’ y ta completamente gratis.
Nos tin diferente partner den esaki, incluyendo Orguyo y Famia Planea.
Ta bay tin un presentacion di poesia door di Basha y ta bay tin tambe Musica Bingo (Drag Bingo) cu tambe ta completamente gratis, unda cu e participantenan por gana premio, segun van den Heuvel.
Tur cos ta cuminza 7’or di anochi Diabierna, mientras cu Diasabra ta bay tin Pride on Stage.
