Carrousel pa alumnonan di Ciclo Basico y Ciclo Avanza 1

Departamento di Asuntonan Social

ORANJESTAD (AAN) – Di Departamento di Asuntonan Social, DIARIO a ricibi e siguiente relato, tocante dos evento organiza pa DAS, conhuntamente cu Centro pa Hoben y Famia y Commandant Generaal Abraham de Veerschool, y cu a resulta hopi exitoso.

   Dialuna 26 y diamars 27 di juni 2023: Pa Ciclo Basico y Ciclo Avansa 1, tabata tin un Carrousel, reparti den dos dia. Esaki a wordo brinda pa FADA (Fundacion Anti Droga Aruba), Telefon pa Hubentud, Stichting Wit Gele Kruis, DBZ (Dienst Besmettelijke Ziekten), Fundacion Respeta Mi, Centro Pa Hoben y Famia, Stichting Hunto y JZP (Polis).

Durante e presentacionan, e alumnonan a haya informacion balioso pa nan bida. Informacion pa nan realisa cu cada decision cu wordo tuma tin su consecuencia a corto plazo, pero tambe por ta consecuencianan pisa a largo plazo, y kisas pa e resto di nan bida.

    Diaranson 28 di juni 2023: E alumnonan a haña presentacionnan motivacional brinda pa “Influencers” riba diferente terreno, manera deporte, música y arte.

E presentadornan tabata:Susjaira Kerpens, Aleida Hector, Denzil Tromp, Deaxo Croes, Armando Goedgedrag, Annette Patterson, Brainer Lampe, Damian Pinas, Casiene Tromp, Disjonrick Jacobs, Gerald Moreta, Keanu Maduro, Magaly Curiel, Gerrick Bontekoe y Genard Karixon Mohamed.

Diescinco “influencers” cu a comparti cu nos alumno nan, nan experiencia di bida y nan profesion.

Pa finaliza, a haya un tremendo presentacion di ‘”Drumband Scouting Ora Ubao”. Hobennan masha talentoso cu a duna un presentacion di kita sombre y asina anima alumno  y docentenan cu nan música, poniendo di e forma aki ambiente den Abraham de Veerschool.

Commandant Generaal Abraham de Veerschool ta gradici primeramente DAS y Centro pa Hoben y Famia, den persona di Natalie Vorst, Charlotte Piña, Rashell Gibbs, Jennifer Margaretha y Hannah Harsveld, pa a organiza tur e dos eventonan aki.

    Tambe nan ta kier gradici tur e instancianan y presentadornan, pa nan tempo duna na nos scol y pa e informacion importante y balioso cu a wordo duna na nos alumnonan. Esaki a hasi e dianan aki uno sumamente exitoso. Pa finalisa nos ta desea tur alumno un dushi vakantie y ta warda nan  back pa aña escolar 2023-2024 cu hopi motivacion.