Carnival 71 a luci un bunita Parada di Mucha na Playa cu mas di 1600 participante

ORANJESTAD (AAN):   Parada di Mucha Oranjestad a sali masha bunita mes. 

Por a mira un parada colorido, mahestuoso, cu un tremendo participacion y tremendo ambiente.

E parada a sali for di Aruba Entertainment Center na Dakota y a sigui e ruta di Vondellaan, LG Smith Boulevard y a finalisa na e turbo rotonde na Boulevard.

            Secuencia di grupo tabata: Centro di Bario Noord, Champagne Kids Carnival Group, Don Flip Carnival Group, TOB Kids Carnival Group, Empire Kids Carnival Group, Unity Carnival Group y Little Groovers Carnival Group.

            Carnival 71 a luci un bunita Parada di Mucha na Playa cu segun informe di SMAC a conta cu un total di 1680 participante sin conta e publico cant'i caminda cu tambe a disfruta di e parada.

            Awor tur hende ta keda di 'mood' di carnaval pendiente pa e siguiente eventonan cu lo tuma lugar den siman.