Caribbean Mercantile Bank N.V. orguyoso partner di Ronde Van Aruba 2022

ORANJESTAD (AAN): Caribbean Mercantile Bank N.V. (CMB) un bes mas ta orguyoso partner principal den e popular careda du coremento nacional yama Ronde van Aruba su edicion pa 2022.

            Pa su di 30 edicion, CMB un bes mas ta partner cu Marinierskazerne Savaneta y nan team organisatorio di Ronde van Aruba. Un evento cu ta incui un ruta di 72km cu esencialmente ta pasa un vuelta rond di Aruba, y cu ta exigi amplio planificacion logisticamente pero tambe tecnicamente.

            Durante ultimo lunanan por a nota coredornan entrena pa e reto aki riba varios di e segmentonan, cual ta 8 en total, y cu ta cubri tur variacion den inclinacion y declinacion riba ruta, como tambe partinan cu biento ta bira un variabel considerabel den e lucha pa mantene un bon “pace” y asina termina e segmento y careda completo den tempo satisfactorio. Esnan cu kier forma parti di cumpli cu un reto por a completa e “ronde” den estafette (4) persona, esnan mas avanza den duo, of (2) persona, y esnan elite cubriendo e trayectoria completo individualmente.

            CMB ta aplaudi e dedicacion, determinacion y empuhe di tur individuo y tur grupo cu a sa di pone Ronde van Aruba 2022 como un reto, y cu a cumpli cu’ne. Tambe na tur esnan cu ta sostene e atleta, sea amigo, ruman, partner, pareha; un bunita simbiosis di sosten pa un tremendo logro.

            Pabien tambe na e team di Marinierskazerna Savaneta cu tur aña ta cumpli cu su coredornan di evento mediante nan personal pa cubri e grosor di ruta cu nan experticio logistico y organisatorio.

            Sigui pone meta, y sigui cumpli cu nan. Corda celebra bo logronan.

            Danki, di Bo Amigo, CMB.