SANTA MARTA: Durante un investigacion sigui pa un razzia, autoridadnan special di investigacion contra narcotrafico,
a logra confisca un total di 380 kilo di cocaina na un adres na Santa Marta, Colombia.
Polis a confirma, cu e droga aki ta pertenece na e grupo arma organiza cu ta yama su mes ‘Los Pachenca’.
E droga a wordo haya na Condominio Kankuruba cu ta den sector Pozos Colorados na parti zuid di Santa Marta. Danki na tip ricibi, Polisnan a subi te na di 8 piso, y a drenta den Apartamento 308 unda nan a haya un total di 380 paki rectangular cu letternan RSGAL y CLX skirbi riba nan.
No tabatin ningun hende presente, pues no a detene ningun hende. Riba mercado, e droga aki tin balor di como 11,5 miyon Dollar.
