ORANJESTAD (AAN): Directiva di CAPA ta convoca su Reunion General anual di 2025,
cu lo bay ta riba Dialuna 10 di November 2025 pa 6:30 pm na sede di SEPPA.
Si a caso pa 7.15 or pm, dia 10 di November no tin quorum, e reunion ta keda cancela y un otro
Reunion General ta keda convoca pa dia 24 di November 2025 na Gymzaal St. Anna School ta cuminsa
pa exactamente 6.30 pm. Reunion di dia 24 di November 2025 ta cu of sin quorum, tratando e mesun
agenda.
Riba agenda tin: (1) Apertura/informacion di directiva. (2) Relato directiva di aña 2025. (3) Relato reunion general 2024 y relato reunion na mei 2025. (4) Relato financiero 2024. (5) Relato di Comision di Credito 2024. (6) Relato di Comision di Supervision 2024. (7) Balansa y cuenta/reparticion di ganashi 2024. (8) Presupuesto 2026. (9) Plan di Trabao. (10) Turno liber.
E reunion general ta importante pa tur miembro di CAPA y pa e motibo aki, directiva di CAPA ta spera un asistencia grandi na e reunion aki.
