Door cu hende muher na Aruba ta haya menos yiu
ORANJESTAD (AAN) – Director di AZV, Edwin Jacobs, den conferencia di prensa a elabora tambe di e poblacion chikito (0-1) cu ta asegura na AZV.
El a splica cu un dato interesante pero cu AZV no a logra procesa den grafico, ta e cantidad di asegurado entre 0 cu 1 aña.
Kico a pasa e ultimo dies añanan pa cu e grupo aki? Ta mira cu dies aña pasa, 2.3% di e poblacion di asegurado di AZV tabata entre 0 cu un aña (baby).
Na 2021 el a baha te 1.6%. Si na aña 2012 nos tabata tin 2.336 baby asegura na AZV na 2021 nos tabata tin 1.752, loke ta nifica cu e cantidad di babynan cu ta nace den nos poblacion tambe ta bahando, conforme tambe e produccion pasobra hende muher tambe ta hayando menos yiu.
