Cantante Nacho a cumpra mitar di Turpial Airlines y awor ta ofrece descuento na su fanaticonan

PORLAMAR: E cantante venezolano Nacho a laga sa via social media, cu el a cumpra mitar di e shares di e aerolinea Turpial Airlines,

y pesey awor e ta ofrece un descuento grandi na su fanaticonan cu kier viaha pa e aerolinea aki pa bay Isla de Margarita pa su concierto gratis dia 24 di September venidero den Avenida 4 de Mayo.

   Via di Instagram, Nacho a bisa su fanaticonan cu e lo cubri parti di costo di pasashi na su fanaticonan cu kier biaha pa Isla de Margarita usando e Ticket di Oro, y di e forma ey e pasahero lo tin di djis paga $37 pa e ticket di avion.

   “Mi a traha un deal cu mi amigonan di Turpial Airlines, pues mi ta bay paga parti di e pasashinan di boso, y si boso ta viaha cu nan, pidi pa Tarifa Nacho y bulando riba Diadomingo lo bo paga solamente 37 Dollar pa e pasashi.”

   El a bisa cu e tarifa di descuento ta inclui otro destinacionnan tambe manera Santo Domingo, Punta Cana, Panama, y otro lugarnan y lo sali bo mas barata.