SAN JUAN: E cantante Belinda a bolbe pone hende papia riba Social Media, pero e biaha aki pa un look nobo cu ta haciendo un impacto entre su miyones di fanaticonan en general.
Via di su ultimo publicacion riba Instagram, e cantante y actriz di 33 aña a post un potret unda e ta mustra completamente pelon, un look cu ningun hende a imagina di lo bay mire asina.
E comentarionan tabata favorable pa e cantante di e cancion “Bella Traicion”, kende ademas a corda hende riba e frase cu el a bisa algun aña pasa caba, ora cu el a wordo cuestiona pa su supuesto rivalidad cu Daniela Luján.
Pa colmo, recien un revista na Mexico a laga sa cu Christian Nodal kizas a wordo contagia cu herpes genital despues di tabatin relacion cu varios muher durante un etapa di trata di lubida, despues cu el a kibra cu Belinda na luna di Februari cu a pasa.
E informe aki a cuminza plama den prensa na Mexico y na Merca, pero awor ta Belinda ta esun cu a wordo acusa di a crea e rumornan ey riba e bida sexual di Christian, kende ta compositor di “Botella Tras Botella”. Nan ta bisa cu ta e cantante Belinda ta esun cu a trata di mancha e imagen di su ex-pareha.
