Candidatanan pa Miss Youth Aruba 2023 a wordo presenta

ORANJESTAD (AAN): Tabata den oranan di atardi, cu e diez candidata nobo pa e certamen di Miss Youth Aruba 2023 a wordo presenta na publico. 

E anochi aki, maestronan di ceremonia Alexia Chin y Jahe Bikker a saluda publico y a introduci e candidatanan.

   Manera ta conoci, Alexia Chin ta ex Miss Youth Aruba 2019 y Reina Internacional de Los Mares y del Turismo 2021.  Jahe Bikker ta miembro di comishon y tambe e dance instructor di Miss Youth Aruba. E candidatanan ta como lo siguiente:

#1 Mary-Jane Kransen, Miss Youth Brazil by Rosa Cespedes Makeup Hair. Tambe a gana e anochi ey Miss Glamour y Miss Integral.

#2 Kellen Venero, Miss Youth San Nicolas by P'thierre Beauty Makeup. Tambe a gana e anochi ey Miss Actitud y Miss Confiansa.

#3 Valentina Romero, Miss Youth Santa Cruz by Mirrors Beauty Academy.

#4 Keylie-Anne Eckmeyer, Miss Youth Noord by K'Lan Beauty Solutions. Tambe a gana e anochi ey Miss Sonrisa.

#5 Evellene Rivero, Miss Youth Savaneta by MK Glam.

#6 Amelia Elskamp, Miss Youth Oranjestad by P'thierre Beauty Makeup.

#7 Ivangeline Matos, Miss Youth Pos Chiquito by Obsession Nails. Tambe a gana e anochi ey Miss Autentica.

#8 Laurien Reyes, Miss Youth Tanki Leendert by P'thierre Beauty Makeup.

#9 Nairobi Richardson, Miss Youth Dakota by Hair Factory Salon & Spa.

#10 Joselien Tromp, Miss Youth Paradera by Hair Beauty Extravaganza. Tambe a gana e anochi ey Miss Carisma y Miss Personalidad.

   Den un entrevista cu e organizador Robin Croes Ponson, el a mustra di ta satisfecho cu nan tin 10 candidata cu super potencial. Tur tin beyeza y inteligencia y cu bon preparadornan, nan tras.

   El a mustra cu nan a haya hopi candidata, pues e acogida tabata grandi door cu e aña aki nan a bin cu hopi cambio. Un mas grandi ta tur lo desfila e anochi final e mesun shimis den diferente color. Diseña pa nos Designer Arubano Internacional biba na Puerto Rico - Jairo Erasmus kende ya caba a forma parti di New York Fashion Week y tambe Los Angeles Fashion Week.

   Robin Croes Ponson a keda contento cu e reaccion tambe, aparte di tin 10 candidata, di e anochi di instalacion tabata hopi bon. E anochi a cana vlot y tur cos bunita hinca den otro. Candidata nan a balia cu coreografia di Jahe Bikker, nan dress tabata den man di Verena Lian y e barbie numbers nan di Cositas by Jen y decora pa comishon.

   DIARIO a compronde cu e siguiente evento grandi y uno nobo lo bira Swimwear Glam Fantasy, aki candidata hunto cu nan preparador lo mester haci un fantasia di bikini cu tema Aruba. Ta premira di bira un anochi grandi, dia 24 di Juni venidero.

   Despues di esey, lo tin evento di Miss Elegancia/Press y Best Hairdo Competition cu lo bira 22 di Juli den House of Mosaic, aki candidatanan lo desfila trahenan di D’Shop y nan gala tambe di D’Shop, y esey ta priminti di bira un evento grandi yena di glamour y elegancia.  Durante esey lo saca Miss Elegancia Miss Press y Miss Best Hairdo cu e preparador nan lo competi p’e.