Candela a causa basta daño den un cas na Tarabana

ORANJESTAD (AAN): Dialuna den oranan di atardi, Central a manda Brandweer cu urgencia, despues di haya informacion cu tin un cas na candela na Triangostraat, Tarabana.

Polis y por lo menos dos unidad di Brandweer a yega na e cas y a cuminsa paga e candela, cu segun informacionnan, e stoof a pega candela. E parti peligroso ta cu esaki tin e boter di gas pega y por a causa un explosion.

No tabatin herido y tur persona a logra sali for di e cas. Brandweer a logra paga e candela, pero e huma a causa basta daño.

Polis tambe a notifica Elmar, cu a haci un control y a kita coriente pa evita cualkier otro contratiempo.