Campaña ‘Cambia bo slok’ ta specialmente dirigi na e riesgo di consumi bebidanan cu sucu

Judelca Briceño, Manager di DVG

ORANJESTAD (AAN) Judelca Brice­ño, Manager di Departamento di Salud (DVG), a enfatiza, den conferencia di prensa, riba e campaña “Cambia bo slok”, specialmente dirigi na e riesgo di consumi bebidanan cu sucu, cu ta conduci na Diabetes tipo 2.

   “E campaña aki ta bay enfoca riba e riesgo pa salud cu bebidanan cu sucu por ocasiona, pero tambe ta bay enfoca riba solucionnan pa bebidanan mas barata y saludabel. Pues, resumiendo, e campaña tin tres meta:

1. Concientizacion di e peliger di bebida cu sucu.
2. Conseho con pa scoge otro bebidanan cu ta di menos riesgo y cu no tin sucu. Promove alternativanan saludabel y pagabel, p’asina nos por contribui na un miho estilo di bida.
3. Salubridad Publico lo sigui enfoca riba prevencion di nos malesanan no comunicabel, manera Diabetes tipo 2, cancer, problemanan cardiovascular y pulmonar.