ORANJESTAD (AAN): Den e anochi di Diabierna pa Diasabra, personal di DOW a keda traha henter marduga pa asina pone un capa nobo di asfalt na e recien caminda cu nan a frees y kita e asfalt bieu, esta di Caya Imelda Eckmeyer-Bermudez.
Esaki ta e
caminda cu tin di cruzada di Shaba banda di Super Do-It Center, bay pabao pasa dilanti Save More na Boegoeroei, y finaliza na e cruzada-Y tiki mas pabao.
E caminda aki pa hopi aña caba tabata den mal estado, unda e asfalt a ‘brokkel’ y kibra poco-poco ta generando buraconan cu tabata sigui causa stress riba vehiculonan.
Diasabra mainta, ciudadanonan a lanta y topa cu e pida caminda aki di Boegoeroei pa Bubali cu un capa nobo. Hopi agradable mes pa core riba dje.
Awor tin di sigui cu e demas fasenan pa frees (kita asfalt bieu) di mas di e caminda aki, y pone un capa nobo pa algun di e demas fase. DOW a indica cu e fasenan lo sigui awe Dialuna mes, pues tene cuenta cu despues di 8:00 am lo bo por topa cu algun caminda cera.
