Caminda di Cruz na Parokia Cristo Rey na Brazil

ORANJESTAD (AAN):  Na Parokia Cristo Rey na Brazil tabata tin un caminda di cruz cual a conta cu un asistencia masal di creyentenen.

Sra. Sylvia Thielman- Semeleer, secretaria di e parokia, a duna di conoce despues di e santo sacrificio di misa a organisa un caminda di cruz cu acompaňamento di Virgen Mama Dolorosa y tambe Jesus den santo sepulcro (caha di glas cu lus) y Mama Maria tabata tras di dje pa por recorda e dolor y sufrimento cu el a pasa prome cu el a subi cruz, pa cada un di den e mundo aki cu ta pecador, Thielman-Semeleer a splica.